Моңғолиядағы қандасымыз Еркеқұлан Бағдатұлы Италияның Халықаралық физика және математика орталығынан Германияның Бранденбург технологиялық университетінен жарияланған докторлық дәрежедегі оқуға грант ұтып алды. Бұл туралы қандастарымыздың kaznews.mn сайты хабарлады.
"Менің шетелде халықаралық оқу орындарына оқуыма жаңа мүмкіндік туды. Италиядан және Германиядан грант ұтып алдым. Қазір Моңғолия - Германия бірлескен Технологиялық университетінде математика пәнінен сабақ беріп жүргендіктен Германияда докторлық дәрежеде оқуды таңдадым. Бранденбургтегі математикалық зерттеу жұмыстарына өзімнің қолтаңбамды қалдырсам деген арманым бар. Мені әріптестерім жылы қабылдайды дегенге сенемін", - дейді Еркеқұлан Бағдатұлы.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
