"Азаматтарымыздың конституциялық құқықтарын қамтамасыз ету үшін Қазақстанның шет елдердегі мекемелері жанынан 59 мемлекетте 74 учаскелік референдум комиссиясы құрылған болатын. Дауыс беретін сайлаушылардың жалпы саны – 12 307. Сағат 08.15-тегі жағдай бойынша, шетелде 26 учаскелік референдум комиссиясы жұмысын бастады. 48 учаскенің ашылуы күтілуде. Жақын арада Орта Шығыс және Еуропа елдерінде орналасқан учаскелер өз жұмысын бастайды", – деді ол.
Вице-министр шетелдегі референдум учаскелерінің ішінде ең соңғы болып АҚШ-тың Сан-Франциско қаласныдағы учаске ашылатынын айтты.
"Жалпы шетелдегі азаматтарымыздың дауыс беру үрдісі жоғары белсенділікпен өтіп жатқанын байқап отырмыз. Уақыт айырмашылығына байланысты соңғы болып Астана уақытымен сағат 16.00-де Вашингтон, Нью-Йорк, Оттава қалаларындағы және Астана уақытымен сағат 20.00-де Сан Франциско қаласындағы референдум учаскелері жұмысын бастайды", – деді Роман Василенко.
