Ресей мен Оңтүстік Кореядан ақша аударымы жүйесі арқылы шамамен 200 млрд теңге аударылды. Бұл 2019 жылғы көрсеткіш.
Жалпы, аударым көлемі шамамен 5%-ға қысқарған, деп хабарлайды Ranking.kz басылымы.
2019 жылдың қаңтар және желтоқсан айлары аралығында шетелден халықаралық ақша аударымы жүйесі арқылы жіберілген қаражат көлемі 344,6 млрд теңге болды. Бұл өткен жылғы көрсеткішпен салыстырғанда 4,8%-ға кем.
2018 жылғы көрсеткіш 2017 жылғымен салыстырғанда 18,2%-ға артық болған еді.
Ресейден ҚР-ға аударылған ақша көлемі 28,5%-ға азайып, 129,6 млрд теңге болды. Ал Оңтүстік Кореядан келген қаражат мөлшері, керісінше, 15,7%-ға өсіп, 65,7 млрд теңгеге жетті. Өзбекстаннан 31 млрд теңге (+30,6%), Қырғызстаннан 30,1 млрд теңге (−0,6%) жіберілген.
АҚШ-тан жасалған аударым 45,2%-ға көбейіп, 19 млрд теңге болды.
Ақша аударымы жүйелері ішінде ресейлік "Золотая Корона" көш бастап тұр: 150,8 млрд тг. Бұл 2018 жылғы көрсеткіштен 22%-ға кем. Екіші орында Western Union: 82,3 млрд тг (+6,9%). Одан кейін MoneyGram: 43,6 млрд тг (+36,7%).
