2021 жылдың 24 наурызында Қазақстан Республикасының аумағына Германия, Италия, Мальдив Республикасы, Корея Республикасы, БАӘ, Мысыр, Түркия, Моңғолия, Ресей Федерациясы, Беларусь Республикасы, Тәжікстан, Өзбекстан және Қырғызстаннан 42 халықаралық әуе рейсі келді. 5 176 әуе жолаушыларының 5 133-інде ПТР-тестілеудің теріс нәтижесі бар анықтама болса, ал 43 қазақстандық анықтамасыз келген, деп хабарлайды inbusiness.kz Санитариялық-эпидемиологиялық бақылау комитетіне сілтеме жасап.
Оның ішінде:
Алматы қаласының әуежайына – 22 рейс, 2 813 жолаушы, анықтамамен - 2 781, анықтамасыз - 32;
Нұр-Сұлтан қаласының әуежайына – 7 рейс, 727 жолаушы, анықтамамен - 716; анықтамасыз - 11;
Шымкент қаласының әуежайына – 9 рейс, барлық 1 115 жолаушы анықтамамен келген;
Ақтау қаласының әуежайына – 3 рейс, барлық 471 жолаушы анықтамамен келген;
Орал қаласының әуежайына – 1 рейс, барлық 50 жолаушы анықтамамен келген.
"Анықтамасыз келген Қазақстан азаматтары келген жерлері бойынша COVID-19-ға ПТР-талдау әдісімен тестіленді және карантиндік стационарларда өз нәтижелерін күтуде",– дейді комитеттен.
23 наурызда шетелден анықтамасыз келген 32 азаматтың ПТР талдауының нәтижесі шықты.
Екі жолаушыдан коронавирустық инфекция анықталды. Оның бірі Ыстамбұл – Алматы, екіншісі Киев – Нұр-Сұлтан рейсімен келген.
