Finprom.kz-тің хабарлауынша, кейінгі екі жылда шетелдік банктерден инвестиция ретінде тартылатын қарыз көлемі екі есе азайған.
"Шетелдік банктердің Қазақстан капиталындағы үлесі – 0,1% ғана. Шетелдік банк несиелерінің 10 айдағы көлемі 227,3 млрд теңге болды. Осылайша оның көлемі 64,4%-ға кеміп отыр. Мұндай тенденция екінші жыл қатарынан орын алды",– деп жазады Finprom.kz.
Шетелдік банктердің несиесіне қайта өңдеу кәсіпорындары көбірек жүгінген. 10 айда тартылған инвестицияның 65,9%-ы, яғни, 7,7 млрд теңге солардың үлесінде. Оның 7,5 млрд теңгесін металллургияға қатысы жоқ компаниялар алған. Жалпы өнеркәсіп саласында шетелдік банктерден алынған несиенің үлесі 4,8-дан 10,3%-ға артып отыр.
Өңірлер арасында шетелдік банк несиесін Қызылорда, Қарағанды және Атырау облыстарының қайта өңдеуші кәсіпорындары белсенді тартқан. Қызылорда облысына шетелдік банк инвестициясының 81%-ы тиесілі.
Есімжан Нақтыбайұлы
