/img/tv1.svg
RU KZ
Шетелдік инвесторлар кеңесінің кезекті отырысы өтті

Шетелдік инвесторлар кеңесінің кезекті отырысы өтті

30 Қараша 2018 09:56 522

Шетелдік инвесторлар кеңесінің кезекті отырысы өтті

Бүгін Астанада ҚР премьер-министрі Бақытжан Сағынтаевтың қатысуымен ҚР Президенті жанындағы шетелдік инвесторлар кеңесінің кезекті отырысы өтті.

Отырыс барысында инвестициялық саясатты іске асыру, еңбек заңнамасын, адам капиталын дамыту және шетелдік жұмыс күшін, энергетика саласы, экология мен мұнай-газ саласын тарту мәселелері қаралды. Сонымен қатар, Кеңестің 32-пленарлық отырысына дайындық барысы да талқыланды.

ҚР инвестициялар және даму министрі Ж. Қасымбек, еңбек және халықты әлеуметтік қорғау министрі М. Әбілқасымова, білім және ғылым вице-министрі Б. Асылова, «Қазақстанның шетелдік инвесторлар кеңесі» Ассоциациясының басқарма төрағасы А. Прейманис, шетелдік тараптардың тең төрағалары Е. Досымбеков, Ш. Гомез, сондай-ақ, «Қазақстанның шетелдік инвесторлар кеңесі» Ассоциациясының директоры Ж. Байдашева атқарылған жұмыстар туралы баяндады.

Отырысқа қатысушылар шетелдік инвесторлармен бірлесіп жүзеге асырылатын және әрі қарайғы жұмыс бағыттарын анықтады. Ұлттық экономика министрі Т. Сүлейменов, қаржы министрі А. Смайылов, энергетика министрі Қ. Бозымбаев келешегі бар жобалар туралы түсініктеме берді.

Естеріңізге сала кетейік, ҚР Президенті жанындағы шетелдік инвесторлар кеңесі 1998 жылы Мемлекет басшысының Жарлығымен құрылды. Кеңес құрамына 30-дан астам шетелдік компаниялар мен халықаралық ұйымдардың басшылары кіреді.

Бақытжан Сағынтаев Халықаралық паралимпиада комитетінің президентімен кездесу өткізді

Кездесу барысында Қазақстанда биыл пара пауэрлифтинг бойынша әлем чемпионатын өткізуге қатысты мәселелер талқыланды. 

31 Қаңтар 2019 15:22 560

Бүгін үкімет үйінде Қазақстан Республикасының премьер-министрі Бақытжан Сағынтаев Халықаралық паралимпиада комитетінің президенті Эндрю Парсонспен кездесу өткізді, деп хабарлайды primeminister.kz.

Кездесу барысында елімізде және әлемде паралимпиадалық спорт түрлерін одан әрі дамыту мәселелері, сондай-ақ Қазақстанда биыл Аstana – 2019 пара пауэрлифтинг бойынша әлем чемпионатын өткізуге қатысты мәселелер талқыланды. Осы халықаралық деңгейдегі ауқымды әлеуметті спорт жобасы Қазақстанда пара пауэрлифтинг түрлерінің дамуына жаңа серпін беретіндігі атап өтілді.

Пауэрлифтингке жарыстық тәртіп ретінде үш жаттығу кіреді: жауырынның үстіңгі бөлігіне зілтемір  қойып отырып тұру, көлденең орындықта жатып зілтемір көтеру, зілтемір тарту – бұлар тұтас алғанда спортшының біліктілігін анықтайды. Пара пауэрлифтинг – бұл мүмкіндіктері шектеулі жандар арасындағы жарыс.

2018 жылғы 4 шілдеде Астанада мемлекет басшысының қатысуымен Қараөткел кентінде орналасқан Қазақстандағы алғашқы Паралимпиадалық жаттықтыру орталығы ашылды. Аталған Орталық жазғы және қысқы паралимпиадалық спорт түрлерінен ұлттық құрама командалар мен спорт резервтерін сапалы әрі кәсіби даярлауға арналған.

29 маусым – 6 шілде аралығында Астанада өтетін Пара пауэрлифтинг бойынша әлем чемпионаты –Токио – 2020 паралимпиада ойындары алдындағы ақтық лицензиялық жарыс. Жарыстарға әлемнің 90 елінен 400 спортшы қатысады деп жоспарланған.

Үкімет мемлекеттік қызметшілерге арналған пәтердің шекті бағасын белгілейді

Бұл туралы Бақытжан Сағынтаевтың мәжіліс депутаттарының ресми сауалына жауабында айтылған.

24 Қаңтар 2019 18:10 451

Үкімет мемлекеттік қызметшілерге арналған пәтердің шекті бағасын белгілейтін болады. Бұл туралы мәжіліс депутаттарының ресми сауалына жауап берген ҚР премьер-министрі Бақытжан Сағынтаев атап өткен, деп хабарлайды ҚазАқпарат.

«Қызметтік пәтер сатып алу шарттарын регламентеу қажеттігіне қатысты сіздің депутаттық сауалыңызды қарап, мынаны хабарлаймыз. Толықтай алғанда, мемлекеттік органдар мен ұйымдар сатып алатын баспананың  баға параметрлері мен рұқсат етілетін ауданын регламенттеу қажеттігі туралы ұсынысқа қолдау білдіріледі», – дейді үкімет басшысы.

Премьер-министрдің жауабына қарағанда, «Тұрғын үй қатынастары туралы» Заңға сәйкес әкімдіктер мемлекеттік тұрғын үй қорынан немесе жеке тұрғын үй қорынан жалға алынған пәтерлер бір адамға 15 шаршы метрден кем емес, бірақ 18 шаршы метрден аспайтын көлемде беріледі. Дегенмен, берілетін пәтер бір бөлмелі немесе жатақхана бөлмесі болмауға тиіс.

«Осыған орай, мемлекеттік сатып алулар аясында қызметтік баспананы сатып алу барысында бюджет қаражатын тиімді пайдалану мақсатында индустрия және инфрақұрылымдық даму министрлігі мүдделі мемлекеттік органдармен бірлесіп, «Нұрлы жер» мемлекеттік бағдарламасында белгіленген шектеулерді ескеріп, қызметтік баспана ауданының шекті нормасы мен баспана сатып алудың баға параметрлерін әзірлеу  шараларын қабылдайтын болады», – деді Бақытжан Сағынтаев.