"Министрлік Мемлекет басшысының шетелдік автомобильдерді заңдастыру тапсырмасын іске асыру бойынша іс-шаралар қабылдауда. Бұл жұмыс 2 кезеңнен тұрады. Бірінші – заңнамаға тиісті түзетулерді енгізу және екінші – заңдастыру үшін тікелей іс-шаралар ұйымдастыру", – деді министр.
Осылайша Салық кодексіне түзетулер енгізіліп, автокөліктерді бастапқы тіркеу үшін төленетін алым 200 мың теңге көлемінде белгіленді.
"Министрлік қыркүйектен бастап бұқаралық ақпарат құралдарында және әлеуметтік желілерде, сондай-ақ шетелдік автокөлік иелерімен тиісті түсіндіру жұмыстарын жүргізуде. Сонымен қатар, ішкі істер министрлігімен бірге Қаржы министрлігі кедендік декларациялау мәселелері бойынша, сондай-ақ Индустрия және инфрақұрылымдық даму министрлігі көлік құралдарына техникалық талаптар бойынша түсіндіру жұмыстарын жалғастырып жатыр", – деді Ішкі істер министрі.
