Қазақстанда осы жылдың маусым айындағы көрсеткіш бойынша 29,7 мың шетелдік компания тіркелген. Бір жылдың ішінде олардың саны 8,4% өскен. Оның ішінде 29,2 мыңы шетелден келген шағын компаниялар. Олардың да саны бір жылдың ішінде 8,5% көбейгенін айта кету керек. Тіркелген 246 компания орташа заңды тұлғаларға жатады. Олардың саны бір жылда 6,1% азайған. Шетелдік ірі компаниялардың саны – 199.
"Шетелдік компаниялардың үлесі бір жылда 6,1%-дан 6,3%-ға өсті. Шағын компаниялардың ішінде шетелдік компанияларлдың үлесі 6,4% құраса, ірі компаниялардың үлесі 4% ғана. Жұмыс істеп тұрған шетелдік компаниялардың саны соңғы жылы 11,6% артты", - делінген зерттеуде.
Қазақстанның өңірлерінің ішінде жұмыс істеп тұрған шетелдік компаниялардың көбі Алматы қаласында шоғырланған. Мегаполисте олардың 8,9 мыңы еңбек етіп жатыр. Одан кейінгі орында Нұр-Сұлтан (3,7 мың) тұр. Өңірлердің ішінде шетелдік компаниялардың ең жоғары концентрациясы Жамбыл облысында: 1,1 мың.
"Шетелдік компаниялар көбінесе тау-кен өнеркәсібі (9,4%), сонымен қатар сауда мен жөндеу (9,3%) мен HoReCa (9,3%) сегментінде жұмы істейді", - делінген зерттеуде.
Аян Бекенұлы
