Қазақстанда шетелдік бизнеспен бірлесе жұмыс істейтіндердің қатары өсті: бір жылда шетелдіктердің үлесі бар компаниялардың саны 12%-ға артқан. Бұл туралы Ranking.kz басылымы хабарлады. Соңғы мәлімет бойынша, олардың саны 21,7 мыңға жеткен. 97,3% немесе 21,1 мыңы – шағын компаниялар, 1,2% немесе 260-ы – ірі компаниялар.
Шетелдік компаниялар көбінесе бөлшектік және көтерме сауда саласында кәсібін дөңгелетіп отыр: саны – 8,6 мың. Ал құрылыс саласындағылардың саны – 2,2 мың. Ғылыми, кәсіби және техникалық қызмет саласындағылардыкі – 1,6 мың.
Шетелдік компаниялардың 7,40 мыңы Ресейдікі, 2,44 мыңы Түркияныкі, 1,24 мыңы – Қытайдыкі. Бұлардың басым бөлігі сауда, құрылыс, өңдеу өнеркәсібі сияқты салаларда жұмыс істейді.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
