"Оның ішінде 54 млн доллар акселератордың түлектеріне тиесілі. Келісімшарттың көпшілігі тұз, ұн, ет және ет өнімдері, макарон, консервілер, бал, өсімдік майы, сүт ұнтағы сынды азық-түлік өнімдерін сату бойынша жасалды. Көлік жасау, металлургия өнімдерін жеткізу, IT-қызметтерге де келісімшарттар бар. Қолдауға 1 теңге жұмсалса, тауар өндірушілер соған 329,6 теңге кіріс көреді", – деп хабарлады ол өзінің Facebook-тегі парақшасында.
Оның айтуынша, қызметтер экспортын қоспағанда, 10 айда шикізаттық емес тауарлар экспортының көлемі 15,9 млрд доллар болды.
"Егер қызметтер экспортын қоссақ (ол бірінші жартыжылдықта өсті – 2,7 млрд доллар болды), онда жалпы шикізаттық емес экспорт көрсеткішінде 25 млрд долларға жетеміз деп ойлаймын", – деп түйіндеді Сұлтанов.
