Сайрам аудандық полиция басқармасына Шымкент қаласының тұрғыны арызданған. Әйелдің айтуынша, ол жалған жарнамаға алданыпты. Ақсукент ауылындағы шипажайлардың біріне 10 күнге демалысқа шақырған хабарландыруға сеніп, 100 мың теңге аударған. Аталған жайт ҚР ҚК-нің 190-бабы (Алаяқтық) бойынша тіркеуге алынады.
Түркістан облысы ПД Криминалдық полиция басқармасы мен Сайрам аудандық тәртіп сақшыларынан жедел тергеу тобы құрылып, қажетті іздестіру шаралары жүзеге асырды. Нәтижесінде күдіктінің жеке басы анықталып, жедел уәкілдер жасырынып жүрген күдіктіні Алматы қаласындағы жалдамалы пәтерлердің бірінен ұстаған.
Ол - Төлеби ауданының тұрғыны. Бұрын алаяқтық дерегімен сотты болған жас қыз.
Қазіргі таңда тергеу амалдары жүріп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
