/img/tv1.svg
RU KZ
ШҚО-да 140 бас мал айып тұрағына қамалды

ШҚО-да 140 бас мал айып тұрағына қамалды

Қараусыз жүрген мал түгелдей қамауға алынып жатыр. 

04 Қараша 2019 10:16 649

ШҚО-да 140 бас мал айып тұрағына қамалды

Фото: sputniknews.kz

Шығыс Қазақстанның Ұлан ауданында қараусыз жайылып жүрген 140 бас сиыр айып тұрағына қамалған. Қараша айының алғашқы күнінде Аблакет ауылдық округінің әкімдігі учаскелік полиция өкіліне Бестерек ауылының маңында жүздеген бас мал қараусыз жайылып жүргені туралы шағым түсірген. Полицейлер әкімдік өкілдерімен бірге 143 бас сиырды айып тұрағына қамаған.

«Қараусыз кеткен малдың иелері кейін анықталды. 11 азаматқа қатысты әкімшілік қаулы толтырылды. ШҚО бойынша қараусыз малды қамауға арналған 262 орын дайындалған. Жыл басынан бері мұндай «айып тұрақтарында» 5 мыңнан астам мал қамалған»,– делінген облыстық полиция департаментінің баспасөз қызметі таратқан мәліметте.

Жыл басынан бері аталмыш облыста 230 бас мал ұрланған. Бұл 2018 жылмен салыстырғанда 26%-ға аз. Полиция департаменті мұны «айып тұрақтарының» пайда болуымен түсіндіріп отыр.

ШҚО-да жас кәсіпкер студенттерге тайм-менеджмент шарттарын үйретті

Өскемендік табысты кәсіпкер Аңсар Ешенбаев «Білім беру мекемелерінде кәсіпкерлік қызмет негіздері» жобасы шеңберінде жастарды тайм-менеджментке оқытуда. 

15 Қараша 2019 10:18 640

С.Аманжолов атындағы Шығыс Қазақстан мемлекеттік университетінің №7 оқу корпусында «Mr Grey» жеке кәсіпкерлігінің жетекшісі, барбершоп желілері, сондай-ақ бөдене шаруашылығының иесі Аңсар Ешенбаев 3-4 курс студенттеріне «SMART тайм-менеджмент» дәрісін өткізді, деп хабарлайды atameken.kz/.

Кәсіпкер өзінің кәсіпкерліктегі табыс жолын айтты, қандай кедеріглер болғанын, қандай қателіктер жасалғанын әңгімеледі.

«Мен дәл сіздер сияқты дәрістер тыңдадым, бизнес-жоспарлар жаздым, ал қазір сол бизнес-жоспарларды іске асырудамын. Қазақстанда қандай негізгі қателік жасалады? Егер бізде ақша болса – біз оны бір іске саламыз, бизнеске, осы ретте біз оны толық есептемейміз, бизнес-жоспарлар жазбаймыз. (...) Мен бизнеске келгенімде «ақшаны күректеп табамын» деп ойладым, бірақ бәрі ойлағандай емес екен. Старт кезіндегі басты қателігім – бизнес-жоспар жазбағаным, ешқандай принципті ұстанбағым, болжам жасамағаным болды. Мен адамдар өздері маған келіп шаш қияды да ақша жинап отырамын деп ойладым. Іс жүзінде олай емес. Егер сізде мүмкіндік болса, егер сізге көмектессе – бизнес-жоспар жазыңыздар!», – деді кәсіпкер.   

Аудиторияны тайм-менеджментпен таныстыру мақсатында Аңсар Берікұлы кері байланысты жолға қойды, студенттерге тапсырмалар беріп, қызықты жаттығулар жасатты. Ол кез-келген салада жоғары нәтижеге жету үшін жүйелі іс-қимылдардың әдісі мен жүйесін атады, жастардың бизнеске деген қызығушылығын оятып, өз тәжірибесінен көптеген мысалдар келтірді.

Қатысушылар Аңсар Ешенбаевқа көп сұрақ қойды, пікір-таласқа белсенді қатысты. Олар мақсат қоюдағы мәселелерді талқылады, бизнесменнен маңсаптық өсу стратегиясы бойынша ұсынымдар, жоғары нәтижеге жету бойынша ұсынымдар алды.

ШҚО-да бір миллион гектардан астам жер бос жатыр

Иелері көшіп немесе қайтыс болып кеткендіктен қараусыз қалған учаскелер бүкіл облыс аумағында бар. 

12 Қараша 2019 12:11 292

Шығыс Қазақстан облысында 1 млн гектардан астам ауылшаруашылығы жерінің бос жатқаны анықталды. Бұл туралы облыстық прокуратураның координациялық кеңесі отырысында айтылды.

Прокурорлардың айтуынша, Аягөз ауданының Малгелді ауылдық округінде 56 мың гектар жерге ие 10 шаруа қожалығы ұзақ уақыттан бері жұмыс істемейді. Тарбағатай ауданында 240 аданың қайтыс болып немесе көшіп кетуіне байланысты 34 мың гектар жер бос жатқан.

Сондай-ақ инфрақұрылымның жоқтығынан игерілмеген тұрғын үйге берілген жерлер де бар. Мысалы, Риддер, Зайсан қалаларында 132, Өскеменде 6 мың учаскенің 4 мыңы игерілмеген. Бұл ретте инфрақұрылымды қалыптастыру жергілікті органдарға жүктелгенін айта кету керек.

Өскемен, Семей, Риддерде тұрғындардың өз бетінше үй салу оқиғалары да кездескен.

Прокуратура қызметкерлері жерде тиімді басқару тұрақты бақылауда екенін атап кетті. Қолданылмаған жерді анықтап, қайтарып алу үшін Жол картасы жасалған.

«Соңғы екі жылда мемлекетке құны 4 миллиард теңге болатын 261 мың гектар жер қайтарылды. Игерілмеген ауылшаруашылығы жерлеріне салық салу мәселесі шешілді. Бұған жауапты тұлғаларды жауапкершілікке тарту механизмі де жасалды. Сондай-ақ пайдаланылмаған жерді сот арқылы қайтару тәжірибесі де енгізілді»,– дейді облыстық прокуратурада.