Облыста 6-18 жас аралығындағы атаулы әлеуметтік көмек алатын 14 369 балаға, 47 245 мүмкіндігі шектеулі жан мен 16 жасқа дейінгі мүгедектігі бар 5017 балаға, мүгедек бала тәрбиелеп отырған 5220 адамға, сонымен қатар, жұмыспен қамту орталықтарында тіркелген 7195 азаматқа азық-түлік себеті таратылады. Бұл туралы Жұмыспен қамту және әлеуметтік бағдарламаларды үйлестіру басқармасы басшысының орынбасары Досхан Қайырғазинов мәлім етті, деп хабарлады аltaynews kz.
Айтуынша, облыста 79 мың адамға 5567 теңге мөлшерінде көмек беріледі. Ең қажетті азық-түлікті сатып алу үшін аталған қаражат көлемі жеткілікті деп есептелген. Осы мақсатта бюджеттен 440 миллион теңге қарастырылып отыр.
"Қазіргі уақытта 7196 адамға азық-түлік себетінің ақшасы берілді. Оған 40,1 миллион теңге жұмсалды", – деді Досхан Қайырғазинов.
