Шығыс Қазақстан облысында қазаннан бері 86 медицина қызметкері коронавирус жұқтырған. Бұл туралы ҚР денсаулық сақтау вице-министрі, бас мемлекеттік санитар дәрігер Ерлан Қиясов айтты, деп хабарлайды Алтайньюс.
"Медициналық персонал арасында тіркелген вирус жұқтыру статистикасы бойынша ШҚО жетекші орында. Жалпы алғанда, біздің мәліметтеріміз бойынша, 1 қазаннан бері 86 жағдай тіркелді. Санитарлық-эпидемиологиялық нормалардың сақталуы үшін мамандардың өздері де, медициналық ұйымдар басшыларының да жауапкершілігін күшейту туралы шешім қабылданды", – деді Е.Қиясов.
Бас мемлекеттік санитар дәрігер бұл статистика төмендеуі үшін санитарлық-эпидемиологиялық режимнің барлық ережесін сақтау қажет екенін атап өтті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
