Шығыс Қазақстан облысында ер адам көпқабатты үйдің төбесінен құлап, аман қалды, деп хабарлайды inbusiness.kz порталы Altaynews.kz-ке сілтеме жасап.
Оқыс оқиға 21 наурызда Алтай қаласында болған. Оның видеосы instagram-дағы @osa.uka парақшасында жарияланды.
"Сағат шамамен 13.00-де қаладағы Космонавтов көшесінде 33 жастағы ер адам қар күреп жүргенде төртқабатты үйдің төбесінен құлап кетті. Ол дене жарақатын алмады. Тұрғын ауруханаға жеткізілген жоқ", - деп жазылды ШҚО ПД-нің баспасөз қызметі таратқан хабарламада.
Полиция мәліметінше, ер адам құлағанына қарамастан үйдің төбесіне қайта көтеріліп, жұмысын жалғастырған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
