1 қаңтар күні кешкі уақытта Шемонаиха полиция бөлімінің кезекші бөліміне тұрғын әйел хабарласып, күйеуінің таңертең ерте балық аулауға кеткенін, содан кейін қайта оралмағанын хабарлады. Бұл туралы inbusiness.kz сайты polisia.kz ақпараттық медиа-порталына сілтеме жасап жазады.
Ресми мәліметтерге сәйкес, қарда жүретін көліктерге мінген полицейлер дереу іздеуге шығып, жоғалған адамдарды бір-екі сағаттан кейін тапты.
Белгілі болғандай, ер адам қарда жүретін көлікпен балық аулауға кеткен, содан кейін үйіне қайтуға дайындалған. Ал қайтар жолда оның қар көлігі мұзға жартылай құлап кеткен.
Өздігінен төтеп бере алмайтынын түсінген балықшы әйелі мен досына телефон шалып, жәрдемдесуге шақырады. Бірақ ол да қар құрсауында қалды. Біраз уақыттан кейін екі ер адам қауышып, бірге көмек күтеді.
Сөйтіп, ер адамдар үйлеріне жеткізілді және полиция қызметкерлеріне оларды құтқарғаны үшін алғыс білдірді.
