Шығыс Қазақстан облысында қос азаматтығы бар тағы бір адам ұсталды, деп хабарлайды inbusiness.kz порталы altaynews.kz-ке сілтеме жасап.
"2021 жылғы желтоқсанда әйел тұрғылықты жері бойынша тіркеу есебінен шықпай Ресейге барып, сол елдің азаматтығын қабылдаған. Осылайша, ол еліміздің азаматтық туралы заңын бұзды", – деп жазылған ШҚО Полиция департаменті таратқан хабарламада.
Полиция Ресей азаматынан Қазақстан азаматының жеке куәлігі мен паспортын алып, оны Қазақстан азаматтығынан айырды.
"Заң бұзушы Әкімшілік құқық бұзушылық туралы кодекстің 496-бабы 2-бөлігі бойынша елден шығарып жіберу түрінде әкімшілік жауапкершілікке тартылды", – деп жазылған хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
