/img/tv.svg
RU KZ
DOW J 29 201,99 Hang Seng 28 327,89 KASE 2 347,58 FTSE 100 7 617,67 РТС 1 630,99 Brent 64,11
Ауа райы:
-6Нур-Султан
-1Алматы
DOW J 29 201,99 Hang Seng 28 327,89
KASE 2 347,58 FTSE 100 7 617,67
РТС 1 630,99 Brent 64,11
ШҚО-да мүмкіндігі шектеулі 1,5 мың адам протезбен қамтылды

ШҚО-да мүмкіндігі шектеулі 1,5 мың адам протезбен қамтылды

2019 жылы облыс бюджетінен осы мақсатта 240 млн теңге бөлінген болатын. 

06 Желтоқсан 2019 12:15 98

ШҚО-да мүмкіндігі шектеулі 1,5 мың адам протезбен қамтылды

Жұмыспен қамту және әлеуметтік бағдарламалар басқармасының мәліметінше ШҚО-да жыл сайын көптеген мүмкіндігі шектеулі адамдар протездер мен ортопедиялық құралдармен қамтылып отырады. Мәселен, 2019 жылдың өзінде ғана осы мақсатта облыс бюджетінен 240 млн теңге бөлінген. Ал жалпы протездерді «ШҚ облыстық протез-ортопедиялық орталық» ЖШС жасайды. Бұл мекемемен ведомство қамкөңіл жандарды қажетті құралдармен қамту бойынша келісім шарт жасасқан. 

«Протездерді заманауи технологиялар бойынша әзірлейміз. Әр тапсырыс берушімен жеке жұмыс істейміз. Біздің протездер адамдарға ыңғайлы болу үшін барымызды саламыз. Бұл бағытта алдыңғы қатарлы елдердің тәжірибесін зерттейміз. Мәселен, биылғы жылы үш адамға силикон лайнері бар балтырдың протезін дайындап бердік. Оның жалпы құны 1 млн 620 мың теңге. Жылына осындай 2-3 протез жасаймыз. Өткен жылы лайнерге негізделген жамбас протезін әзірлегенбіз. Бұдан бөлек құны 1 млн 700 мың тұратын электрлі қол протезін жасадық», – дейді «ШҚ облыстық протез-ортопедиялық орталық» ЖШС өндіріс басшысы Сахан Тұрсымбаева. 

Сонымен қатар орталық биыл 1477 адамды протезбен қамтып, жалпы саны 2925 көмекші құрал дайындаған. 
 

inbusiness.kz-ті қараңыз, оқыңыз :

ШҚО-да бір миллион гектардан астам жер бос жатыр

Иелері көшіп немесе қайтыс болып кеткендіктен қараусыз қалған учаскелер бүкіл облыс аумағында бар. 

12 Қараша 2019 12:11 129

ШҚО-да бір миллион гектардан астам жер бос жатыр

Шығыс Қазақстан облысында 1 млн гектардан астам ауылшаруашылығы жерінің бос жатқаны анықталды. Бұл туралы облыстық прокуратураның координациялық кеңесі отырысында айтылды.

Прокурорлардың айтуынша, Аягөз ауданының Малгелді ауылдық округінде 56 мың гектар жерге ие 10 шаруа қожалығы ұзақ уақыттан бері жұмыс істемейді. Тарбағатай ауданында 240 аданың қайтыс болып немесе көшіп кетуіне байланысты 34 мың гектар жер бос жатқан.

Сондай-ақ инфрақұрылымның жоқтығынан игерілмеген тұрғын үйге берілген жерлер де бар. Мысалы, Риддер, Зайсан қалаларында 132, Өскеменде 6 мың учаскенің 4 мыңы игерілмеген. Бұл ретте инфрақұрылымды қалыптастыру жергілікті органдарға жүктелгенін айта кету керек.

Өскемен, Семей, Риддерде тұрғындардың өз бетінше үй салу оқиғалары да кездескен.

Прокуратура қызметкерлері жерде тиімді басқару тұрақты бақылауда екенін атап кетті. Қолданылмаған жерді анықтап, қайтарып алу үшін Жол картасы жасалған.

«Соңғы екі жылда мемлекетке құны 4 миллиард теңге болатын 261 мың гектар жер қайтарылды. Игерілмеген ауылшаруашылығы жерлеріне салық салу мәселесі шешілді. Бұған жауапты тұлғаларды жауапкершілікке тарту механизмі де жасалды. Сондай-ақ пайдаланылмаған жерді сот арқылы қайтару тәжірибесі де енгізілді»,– дейді облыстық прокуратурада.

ШҚО-да 140 бас мал айып тұрағына қамалды

Қараусыз жүрген мал түгелдей қамауға алынып жатыр. 

04 Қараша 2019 09:56 339

ШҚО-да 140 бас мал айып тұрағына қамалды

Фото: sputniknews.kz

Шығыс Қазақстанның Ұлан ауданында қараусыз жайылып жүрген 140 бас сиыр айып тұрағына қамалған. Қараша айының алғашқы күнінде Аблакет ауылдық округінің әкімдігі учаскелік полиция өкіліне Бестерек ауылының маңында жүздеген бас мал қараусыз жайылып жүргені туралы шағым түсірген. Полицейлер әкімдік өкілдерімен бірге 143 бас сиырды айып тұрағына қамаған.

«Қараусыз кеткен малдың иелері кейін анықталды. 11 азаматқа қатысты әкімшілік қаулы толтырылды. ШҚО бойынша қараусыз малды қамауға арналған 262 орын дайындалған. Жыл басынан бері мұндай «айып тұрақтарында» 5 мыңнан астам мал қамалған»,– делінген облыстық полиция департаментінің баспасөз қызметі таратқан мәліметте.

Жыл басынан бері аталмыш облыста 230 бас мал ұрланған. Бұл 2018 жылмен салыстырғанда 26%-ға аз. Полиция департаменті мұны «айып тұрақтарының» пайда болуымен түсіндіріп отыр.

Жаңалықтарға жазылу: