Қазақстанда өткен тәулікте 432 адамда коронавирус індеті ПТР арқылы расталды, деп хабарлады шұғыл штаб.
Өңірлер арасында жұқтырғандардың ең көбі ШҚО-да тіркелді. Ол аймақта бір тәулікте 197 адам вирус жұқтырған. Ірі мегаполистер: Нұр-Сұлтан қаласында – 31, Алматы қаласында – 23, Шымкент қаласында 1 адам тіркелді.
Өңірлерде ШҚО-дан кейінгі орында Павлодар облысы тұр, мұнда бір тәулікте 41 адамнан вирус анықталды. Ал Ақмола облысында – 28, Ақтөбе облысында – 5, Алматы облысында – 13, Атырау облысында – 9, Жамбыл облысында – 4, Батыс Қазақстан облысында – 14, Қарағанды облысында – 16, Қостанай облысында – 17, Солтүстік Қазақстан облысында 33 жағдай тіркелді.
Жалпы ел бойынша бүгінге дейін ауырғандар саны 113741-ге жетті. Шұғыл штаб өткен тәулікте 177 адамның емделіп шыққанын хабарлады. Осылайша індет жұқтырғандардың 106893-і жазылып шықты.
