"Коронавирус пандемиясы басталған сәттен бастап туризм ең зардап шеккен салалардың бірі болды. 2020 жылы өңірге келетін туристер саны екі есе азайды (42%). Алакөл жағалауында демалушылар саны 70 пайызға төмендеді", – деді Марат Қабақов.
Оның айтуынша, биыл Алакөлдің шығыс жағалауының инфрақұрылымын дамытуға 8 миллиард теңгеге жуық қаражат бағытталды. Барлық жобалар іске асырылған. Атап айтқанда, полиция бекеттері мен жедел медициналық жәрдем станциялары салынды.
Айта кетейік, Алакөл демалыс орны – республикадағы ең негізгі туристік нысандардың бірі. Ал Риддер қаласының туристік объектілеріне электр желісі тартылды.
"Жобаның құны 40 миллион теңгені құрады. Осындай жоба Зайсан ауданында да жүзеге асырылуда. Катонқарағайда экологиялық және этнотуризм дамып келеді. Мұнда жеке кәсіпкерлер мен жергілікті тұрғындарға қонақ үйлер желісін ашуға қолдау көрсетілуде. Олар үшін гранттар қарастырылған. Бұл бағытта қазірдің өзінде 15 бизнес-жоба жүзеге асырылған", – деді ол.
