Біраз уақыт бұрын облыстың бас санитар дәрігері жүргізушілерден жанармай бекеттеріне алдына ала жазылуды талап еткен, артынша шешімін өзгертті.
ШҚО-ның бас санитары 22 қараша күні бекіткен қаулы бойынша, күту залдары мен бөлмелері жабық көлік жуатын, техникалық қызмет көрсететін және машина жөндейтін орындарға бару үшін алдын ала жазылу керек.
19 қараша күні жарияланған қаулыда жанармай құятын бекетке бару үшін де алдын ала жазылу талап етілген еді. Мұндай шешім жергілікті жұрттың ашуын тудырды. Бұл жолғы тізімде бензин құятын бекеттер жоқ.
Естеріңізге сала кетейік, Шығыс Қазақстан облысы бірнеше ай бойы COVID-19 таралуы бойынша көш басында келеді. Өткен тәуліктің өзінде мұнда 188 адам коронавирус жұқтырған. Екінші орында Павлодар облысы (98), ал үшінші орында СҚО (96) тұр. Облыс аумағына бірнеше блокбекет қойылған.
Олжас Оқас
