/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 434,31 Brent 36,55
ШҚО-ға тамызда 100 жедел жәрдем көлігі әкелінеді

ШҚО-ға тамызда 100 жедел жәрдем көлігі әкелінеді

 Семейге – 41, Өскеменге – 75 жабдықталған көлік бөлінбек.

02 Шілде 2020 17:40 221

ШҚО-ға тамызда 100 жедел жәрдем көлігі әкелінеді

Тамыз айынының ортасында ШҚО-ға 100 жедел жәрдем көлігі әкелінеді. Бұл туралы аймақ басшысы Даниал Ахметов әкімдікте өткен жиын барысында мәлімдеді, деп хабарлайды altaynews.kz.

«Тамызда жабдықталған 100 жедел жәрдем көлігін аламыз», – деді Даниал Ахметов.

Ол Денсаулық сақтау бақармасының басшысы Ильяс Мұхамеджанға 1 тамызға дейін құрамдау бойынша жұмыстарды аяқтап, көліктерді алдын ала бөліп беру мәселесін қарастыруды тапсырды.

Қазір Өскеменде жедел жәрдемнің 32 посты жұмыс істеп тұр. Бұлар қала мен қала сыртындағы Самсоновка, Тас карьері, Ново-Троицкое секілді аудандарға қызмет көрсетеді. Автокөліктердің көбі ескірген, жиі сынып, істен шығып қалады. Бір көлік мүлде апатты жағдайда. Семейде 2 жыл бұрын сатып алынған 25 автокөлік пен 9 жалға алынған көлік бар.

Жыл соңына дейін Жедел жәрдем станциясы ҚДБ-Лизинг бағдарламасы бойынша берілетін көліктерді күтіп отыр. Семейге – 41, Өскеменге – 75 жабдықталған көлік бөлінбек.

«Біз медициналық колледждің 25 түлегін қабылдадық. Олар міне ғана диплом алып отыр. Сондай-ақ, фельдшерлер мен диспетчерлерді жұмысқа қабылдап жатырмыз. Жаңа көліктер жеткізілгенге дейін бригадалар құрылады», – дейді облыстық Жедел жәрдем станциясының жетекшісі Марат Ластаев.

Кореядан келген ер адамнан коронавирус анықталды

Науқаспен байланыста болған адамдар да оқшаулауға алынды.

15 Наурыз 2020 13:34 678

Кореядан келген ер адамнан коронавирус анықталды

Денсаулық сақтау министрі Елжан Біртанов «Хабар-24» арнасында тікелей эфирге шығып коронавирус жұқтырған тағы екі адамның тіркелгенін хабарлады.

«Екінші науқас – 1995 жылы туған еркек кісі. Ол кеше Сеул-Алматы рейсі арқылы келген. Жалпы ұшақта болған 130 жолаушының ішінде транзитпен кеткендерден басқасы түгел 100 пайыз каратиндік стационарға жатқызылды. Сонымен қалаға ешкім кірген жоқ. Сол жолаушылардың арасында карантинде диагностиканың нәтижесінде бір науқас анықтадық. Сонымен жалпы қазіргі күнде Қазақстан Республикасында 8 тіркелген науқас бар. Бұл науқастардың барлығы оқшауланған. Барлық жақын байланыста болған адамдар оқшауланған немесе арнайы инфекциялық ауруханаларда. Сонымен қатар потенциалды контактардың бәрі табылды, анықталды. Тізім бойынша жұмыс жасап жатырмыз. Кейбір науқастар стационарлық каратинге жатқызылды. Кейбір азаматтар үйдегі карантинге алынды», – деді Елжан Біртанов.

Коронавирус жұқтырған тағы 2 адам анықталды

Коронавирус жұқтырғандар саны 8-ге жетті.

15 Наурыз 2020 13:24 1123

Коронавирус жұқтырған тағы 2 адам анықталды

Денсаулық сақтау министрі Елжан Біртанов «Хабар-24» арнасында тікелей эфирге шығып, коронавирус жұқтырған тағы екі адамның тіркелгенін хабарлады.

«Бүгін таңда тағы да екі науқас тіркелді. Бірінші науқас – 1959 жылы туған әйел адам. Біздің инфекциялық стационарда жатқан науқас. Бұрын күйеуінде диагноз анықталып, жақын контакт ретінде оқшаулауда жатқан. Қосымша диагностиканың нәтижесі бойынша коронавирустық инфекция табылды. Бұл отбасының барлық жақын контактары қазіргі күнде изоляцияда, сол инфекцялық ауруханада», –деді министр.