1 маусымнан 31 тамызға дейін жыл сайын жалпы республикалық "Скутер" акциясы өткізіледі, деп хабарлайды ИИДМ баспасөз қызметі.
Шараның мақсаты – шағын өлшемді кемелерді қауіпсіз пайдалануды қамтамасыз ету, елдің су айдындарында апаттық жағдайлар мен экологиялық қатерді болдырмау, жазатайым оқиғалар мен адамдардың өлім-жітімін азайту.
Қазір Қазақстанда катамарандарды, салмақты және үрлемелі қайықтарды қоспағанда, 18 мыңнан астам шағын өлшемді кеме тіркелген. Шомылу маусымы кезінде жасанды және табиғи су айдындарындағы кемелер саны күрт артады. Акция аясында олардың құтқару құралдарының болуы, басқару құқығы бар тұлғалардың кемелерді басқаруы т.б. тексерілетін болады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
