11-14 шілде күндері Щучинск қадасында шаңғымен тұғырдан секіруден FIS кубогі мен FIS құрлықтық кубогі өтеді, деп хабарлайды Olympic.kz.
Шаңғымен тұғырдан секіруден FIS құрлықтық кубогі Халықаралық шаңғы спорты түрлері федерациясының (FIS) ұйымдастыруымен жыл сайын өтетін халықаралық турнир. Аталған сын жазда да, қыста да ұйымдастырылады. Турнир әлем кубогіне қатысуға мүмкіндік беретін екінші деңгейлі іріктеу сыны саналады. Жарыста қажетті ұпай жинаған спортшы әлем кубогі кезеңіне қатысу мүмкіндігін алады.
Ал FIS кубогі әлем кубогі кезеңдеріне қатысуға мүмкіндік беретін бірінші деңгейлі іріктеу турнирі. Бұл дода ерлер мен әйелдер арасында К-95 трамплинінде өтеді.
Жарысқа 11 елден спортшылар қатысады. Атап айтар болсақ, Австрия, Германия, Қазақстан, Корея, Норвегия, Ресей, Румыния, Словения, Украина, Швейцария, Жапония өкілдері өзара бақ сынайды.
