Щучинск қаласындағы дәмханада болған жарылыстан қаза тапқандардың саны 9 адамға жетті. Бұл туралы Ақмола облысының денсаулық сақтау басқармасы басшысы Нариман Ермек айтты, деп хабарлайды inbusiness.kz сайты.
"Өкінішке қарай, Щучинск аудандық ауруханасында тағы екі науқас көз жұмды. Кеше денесінің 70 пайыздан астамын күйік шалған науқас көз жұмды. Бүгін денесінің 85 пайыздан астамы күйген тағы бір науқастан айырылдық. Қазіргі таңда жалпы қаза тапқандар саны 9 адамға жетті", – деді Нариман Ермек.
Аудандық ауруханада жатқан екі науқастың жағдайы ауыр. 4 науқас облыстық көпсалалы ауруханада жатыр.
Айта кету керек, бұған дейін Щучинскідегі қайғылы оқиға құрбандарының саны сегізге жеткенін жазғанбыз. Жарылыстан кейін дәмхана иесі ұсталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
