Қазақстанның кәсіпқой боксшысы Бейбіт Шүменов пен кубалық Юниер Дортикос арасындағы жекпе-жекті "Kazsport" телеарнасы тікелей эфирде көрсетеді, деп хабарлайды телеарнаның ресми сайты.
30 сәуір күні Лас-Вегас қаласында өтетін бокс кешінің басты жекпе-жегінде бірінші ауыр салмақта WBA (Regular) тұжырымындағы әлем чемпионы Бейбіт Шүменов WBA тұжырымында бірінші ауыр салмақтағы уақытша әлем чемпионы Юниер Дортикосқа қарсы жекпе-жек өткізеді.
Бұл кездесуде WBA тұжырымындағы әлем чемпионы атағы сарапқа салынады. Бейбіт Шүменов үшін бұл 20-кездесу болмақ. Ал Юниер Дортикос кәсіби рингтегі 22-жекпе-жегін өткізеді.
Айта кетейік, бокс кеші Лас-Вегастағы "Palms Casino Resort" ойын-сауық орталығында Астана уақытымен сағат 08:00-де басталады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
