Швеция үкіметі Украинаның оңтүстік-шығысындағы "тұрақтылықты нығайту" қорына 50 миллион крон (5,43 миллион доллар) аударады, деп хабарлайды inbusiness.kz. Бұл қор Ұлыбритания, Канада, АҚШ және Швейцариямен бірлесе құрылған болатын.
Бөлінетін қаражат алдағы үш жыл бойы көмек беруге жұмсалады.
"Қорға 50 миллион крон бөлу арқылы Швецияның Украинаны қолдайтынын, оның егемендігі мен аумақтық тұтастығын мойындайтынын білдіреміз. Қор Украинаның Ресей агрессиясына қарсы тұру мүмкіндігін арттырады", – дейді елдің ынтымақтастық жөніндегі министрі Матильда Эрнкранс.
Украина – Швецияның Шығыс Еуропада реформалар жүргізу үшін бөлетін қаражатынан ($25,6 млн) ең көп қаржы алатын ел.
Өткен жылдың желтоқсан айында Швеция үкіметі 2021-2027 жылдары аралығында Шығыс Еуропадағы реформаларды қолдауға бағытталған стратегияны қабылдады. Оның жалпы сомасы – $700 млн.
Табиғат Нұрболат
Фото: globallookpress.com
