Биыл турнир 1-10 қаңтар аралығында Швейцария мен Италияда өтеді деп жазады Olympic.kz. "Тур де Ски" додасы осымен 15-ші рет ұйымдастырылмақ. Биылғы бәсекені өткізу қиыға соққаны рас. Өйткені, коронавирус індеті қазіргі әлем кубогі кезеңіне де үлкен қауіп төндірді.
Қауіпсіздікті сақтау үшін норвегиялық шаңғышылар бас тартты, сондай-ақ, екі дүркін Олимпиада чемпионы, финляндиялық Ийво Нискансен де турнирге қатыспайды.
Ұйымдастырушылар ақпан айында Германияда өтетін әлем чемпионатына дейін спортшыларды бабында ұстау үшін қиындықтарға қарамастан жарысты өткізуді қолға алды.
Алғашқы жарыс күнінде ерлер мен әйелдер еркін әдіспен спринт жеңімпаздарын анықтайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
