/img/tv1.svg
RU KZ
KASE 2 277,42 Hang Seng 27 949,64
РТС 1 599,82 FTSE 100 7 585,98
DOW J 28 995,64 Бидай 571,60
Швейцарияда Виктор Храпуновқа қатысты іс тоқтатылды

Швейцарияда Виктор Храпуновқа қатысты іс тоқтатылды

Еуропа елінде Қазақстанға қатысты ақша жылыстатудың көпжылдық тергеуі аяқталды.

21 Қараша 2019 16:29 360

Швейцарияда Виктор Храпуновқа қатысты іс тоқтатылды

Фото: yk-news.kz

Швейцария прокурорлары Қазақстанның ең ірі қаласының бұрынғы әкіміне қатысты ақша жылыстату бойынша қылмыстық істі тергеуді тоқтатты, деп хабарлайды Томсон Рейтерс қорының жаңалықтар қызметі.

Дереккөзі «Ұзаққа созылған аты шулы іске Алматы қаласының бұрынғы әкімі Виктор Храпунов пен оның отбасы және танымал олигархтың қатысы бар. Храпунов сот процесі жүріп жатқан кезде біраз уақыт Швейцарияда тұрды. «Прокурор жұмыстан босату туралы бұйрық шыққанын растайды, ал (іс) 14 қарашада тараптарға жеткізілді», – деді Женева прокуратурасының өкілі. Тараптар қарашаның 25 дейін аппеляциялық шағым түсіруі керек», - дейді.

«Храпунов ақша заңдастырды деген айыпты жоққа шығарып келеді. Қазақстан соты оны 2018 жылы қазан айында сырттай айыптап, сыбайлас жемқорлық үшін 17 жылға бас бостандығынан айыру туралы үкім шығарды. Швейцария елінің бұл шешімі Қазақстанның Храпуновпен байланысы бар олигарх ұрлады деп айыптаған жүздеген миллион долларды іздестіруіне кері әсер етуі мүмкін»,– деп жазады шетелдік БАҚ.

Айта кету керек, Швейцария Президенті Ули Маурер жұма күні Қазақстан президентімен кездесуге және қарым-қатынас пен ынтымақтастық мәселелерін талқылауға Қазақстанға сапарын жоспарлап отыр.

inbusiness.kz-ті қараңыз, оқыңыз :

Қазақстанда шошқа тұқымын жетілдіретін орталық ашылмақ

Швейцария бизнесімен бірлескен жобаға инвестиция тарту жоспарлануда.

27 Қараша 2019 15:30 264

Қазақстанда шошқа тұқымын жетілдіретін орталық ашылмақ

Ауыл шаруашылығы министрі Сапархан Омаров еліміздің өндіріс саласына Швейцариядан инвестиция тарту жөнінде келіссөздер жүріп жатқанын айтты.

«Ауыл шаруашылығы өнімдерін, соның ішінде сүт өнімдерін қайта өңдеуде Швейцариялық әріптестерімізден үйренеріміз көп. Қазір Швейцария елімен бірлескен кәсіпорындар ашып, жаңадан инвестиция тарту бойынша келіссөздер жүргізудеміз. Негізі, ауыл шаруашылығы саласында тауар өндіруші көптеген кәсіпорнымыз швейцариялық компаниялармен бірлесе жұмыс жасап жатыр. Мысалы, ауыл шаруашылығы өнімдерін өндіру, құрал-жабдықтар, құрылғылар жасау, тыңайтқыштар, зиянкестермен күресуге арналған дәрілер шығару тәрізді бірқатар жоба іске асуда», – деді Сапархан Омаров.

Сондай-ақ, министр швейцариялық мамандармен бірлесіп Қазақстанда шошқа шаруашылығын дамыту үшін генетикалық-селекциялық орталық ашу жөнінде де келіссөздердің барын мәлім етті. 

«Біз қазір шошқа өсіру саласында генетикалық-селекциялық орталық ашу туралы келіссөздер жүргізіп жатырмыз. Ең бастысы, шошқа малының тұқымын жетілдіріп, селекция жасайтын боламыз. Ғалымдарымыз бен студенттерімізді Швейцарияда оқытып, мамандар әзірледік. Елімізде осы жануарды өсірумен айналысатын шаруашылықтар бар. Қазіргі кезде Қытай тарапынан доңыз етіне деген үлкен сұраныс туып отыр. Өткен жылы Қытайда шошқаның 50%-дан астамы тұмаумен ауырып, қырылып қалды. Осындай үлкен мөлшердегі шығынның орнын толтыру үшін көп уақыт керек. Сол себепті, осы бағытты да дамытуымыз қажет»,–деді министр.

Еске сала кетсек, 22 қараша күні Швейцария Президенті Ули Маурер Қазақстанға ресми сапармен келіп, екі ел арасында бірқатар келісімге қол қойылған еді.

Нұржан Көшкін

Елбасы Швейцария Президенті Ули Маурермен кездесті

Бұған дейін мемлекет басшысы Қасым-Жомарт Тоқаев Швейцария Президенті Ули Маурермен Ақордада кездескен болатын.  

22 Қараша 2019 19:02 478

Елбасы Швейцария Президенті Ули Маурермен кездесті

Қазақстанның Тұңғыш Президенті – Елбасы Нұрсұлтан Назарбаев Швейцария Президенті Ули Маурермен кездесті, деп хабарлайды elbasy.kz .

Кездесу барысында Нұрсұлтан Назарбаев тәуелсіздік жылдарында Қазақстан мен Швейцария арасында экономиканың түрлі салаларында жақсы қарым-қатынас қалыптасқанын атап өтті.

«Қазақстанға қош келдіңіз. Сіздердің елдеріңізге бірнеше рет бардым. Швейцария – Қазақстанның ірі және маңызды сауда серіктестерінің бірі. Біздің елімізді әрқашан қолдап келесіздер. Осы ынтымақтастықты одан әрі жалғастырған жөн. Бізде швейцариялық бизнесті қызықтыратын жобалар көп», – деді Қазақстанның Тұңғыш Президенті.

Өз кезегінде Ули Маурер Нұрсұлтан Назарбаевқа кездесу үшін ризашылық білдіріп, Қазақстанға жасап жатқан ресми сапарынан алған әсерімен бөлісті. «Біздің елдеріміздің қарым-қатынасы өте жақсы. Бүгін таңертең мазмұнды әрі жемісті кездесулер өткіздім. Қазақстанмен бірлесе отырып дамытатын көптеген жобаларды талқыладық», – деді Швейцария Президенті.

Жаңалықтарға жазылу: