Халықаралық студенттік спорт федерациясы (FISU) қысқы Универсиаданың өткізілмейтінін хабарлады, деп olympic.kz-ке сілтеме жасап inbusiness.kz жазады.
Швейцария билігі COVID-19 омикрон-штамы табылған бірнеше мемлекетке елге кіруге шектеу қойды. Универсиаданы өткізбеу туралы шешім FISU мен студенттік ойындарды ұйымдастыру комитетінің кездесуінде қабылданды.
"Швейцарияға және бүкіл әлемге кіру шектеулеріне байланысты біз 2021 жылғы қысқы Универсиаданы өткізбеу туралы шешім қабылдауға мәжбүрміз. FISU атынан мен бұл спорттық іс-шараны өткізу үшін аянбай еңбек еткен ұйымдастыру комитетіне алғыс білдіргім келеді", – деді FISU президентінің міндетін атқарушы Леонц Эдер.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
