Швейцарияда мамандар құсқа ұқсас дрон жасап шығарды, деп жазады 24Хабар.
Оның басқа ұшатын құрылғылардан ерекшелігі пультпен басқарылатын жасанды қанаттары бар. Бұл оның ұшу мүмкіндігін жақсартады. Мысалы, құрылғы қанатын жайғанда кедергілерді айналып өтіп, бағытын өзгерте алады.
Ал егер жылдамдықты арттыру керек болса, қанатын қаусырып, желдің қарсылығын азайтады. Инженерлер дрон төменгі биіктік пен қала үстінде өте жақсы ұшады дейді. Сондықтан оны тауар тасымалдау мен құтқару операциясын жүзеге асыру үшін пайдалануға болатынын айтады.
"Қарапайым дрондар не қатты желде қалықтап таңқалдырады немесе көз ілеспес қимыл жасауы мүмкін. Мұндай мүмкіндіктерді бір дроннан табу қиын. Ал біздің құрылғының ерекшелігі – осы екі қызметті бірден атқара алатындығында", – дейді инженер Стефано Минчев.
