Шығыс Қазақстан облысы мен Ресей Федерациясындағы Алтай Республикасын байланыстыратын жол құрылысы туралы мәселе талқылануда, деп хабарлайды Алтайньюс.
Бұл туралы Қазақстан Республикасының Омбы қаласындағы консулы Қонысбек Жүсіпбековтің Алтай Республикасына барған іс-сапары барысында белгілі болды. Аймақ басшысы Александр Бердниковтың айтуынша, Алтай елі шекаралас Шығыс Қазақстан облысымен серіктестік орнатып, екі аймақтың арасында сәйкес келісім жасалғаны жөнінде мәлім етті.
Сондай-ақ, ол қазіргі уақытта қазақстандық Алтай мен ресейлік Алтайды байланыстыратын жолдың құрылысы талқыланып жатқаны туралы да хабарлап отыр. Жол салынғаннан кейін қос аймақтың арасындағы сауда-экономикалық, туристік және басқа да саладағы ынтымақтастық күшейе түспек.
