Бала құқықтары жөніндегі уәкіл Динара Зәкиева Шығыс Қазақстанда бойжеткеннен ақша бопсалаған оқушы қыздардың ата-аналары жауапкершілікке тартылғанын айтты, деп хабарлайды inbusiness.kz сайты.
"ШҚО-дағы өңірлік уәкілмен бірге Зайсанда орын алған бопсалау ісі бойынша жұмыс істедік. Облыс әкімдігі мен прокуратурасы мектеп оқушылары арасында анонимді сауалнамалар жүргізді. Құқық бұзушылық жасаған оқушы қыздардың ата-аналары жауапкершілікке тартылды. Өңірлік уәкіл жәбірленушінің ата-анасымен және жергілікті атқарушы органдармен кездесулер өткізді. Сонымен қатар, ол студенттерге кәмелетке толмағандардың құқықтары туралы сабақтар өткізіп, есепте тұрған жасөспірімдермен кездесті, орта мектептерде буллингтің алдын алу бойынша сабақтар ұйымдастырды, азаматтармен буллинг мәселелері бойынша кездесулер өткізді", - деді Динара Зәкиева.
Оның айтуынша, күн сайын кем дегенде 6 қылмыстық іс туралы ақпарат түседі. Сондай-ақ күніне 100-ден астам өтініш келеді.
"Көп жағдайда трагедияның алдын алуға болатыны анық. Сондықтан биыл заңдар мен бұйрықтар деңгейінде қабылданған жүйелі шараларды сапалы іске асыру аса маңызды. Механизмдердің бәрін жергілікті жерлерде пысықтау және анықталған жағдайлардың мысалында көзделген ережелерді сақтаудың маңызын көрсету үшін аудандар мен ауылдарға барып, өңірлерде жұмыс істей бастадық", - деп жазды балалар омбудсмені.
Айта кету керек, ШҚО-да оқушы қыздардың бойжеткенді соққыға жығып, одан ақша бопсалағаны туралы ақпарат тарады.
