Шығыс Қазақстан облысы Самар ауылында 51 жастағы ер адам бұрынғы әйелінің құлағының бір бөлігін кесіп тастаған, деп хабарлайды inbusiness.kz сайты.
Әлеуметтік желіде тараған ақпаратқа сәйкес, оқиға 25 шілде күні болған. Әйелдің ер адамнан бұрын да қорлық көргені хабарланды.
Оқиғаға қатысты облыстық Полиция департаментінің баспасөз қызметі түсінік берді.
"Шығыс Қазақстан облысы Самар ауылының тұрғынына ауыр дене жарақатын келтіру фактісі бойынша қылмыстық іс қозғалды. Күдікті жәбірленушінің 51 жастағы бұрынғы күйеуі уақытша ұстау изоляторына қамалып, қамауға алынды. Қазіргі уақытта қажетті тергеу әрекеттері жүргізіліп жатыр. Тергеу барысы полиция департаменті басшылығының ерекше бақылауында", – делінген ресми хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
