Шығыс Қазақстан облысында биыл алты адам кене энцефалитімен ауырды.
Ал ресми дерек бойынша аймақта 3 мыңнан астам адамды кене шаққан.
ШҚО Санитариялық-эпидемиологиялық бақылау департаменті баспасөз қызметінің мәліметінше, кенеден зардап шеккендердің басым бөлігі Өскемен қаласының тұрғындары екен.
- Содан бері 3083 адамды кене шақты. Кенеден зардап шеккендердің ең көбі Өскемен қаласында (44 пайыз), одан кейін Риддерде (21 пайыз), Алтай ауданында (12 пайыз) және Катонқарағай ауданында (11,5 пайыз), - делінген ақпаратта.
Айта кетейік, Шығыс Қазақстан облысы республикада кене энцефалитін жұқтыру қаупінің "жоғары" аймағына жатады. Өңірде аурушаңдық деңгейі Қазақстан бойынша орташа көрсеткіштен 4,1 есе жоғары.
- Алты адам кене энцефалитімен ауырды. Олар Таулы Үлбі ауылының, Риддер қаласының, Каменка және Урунхайка ауылдарының тұрғындары. 6 адамның тек біреуі ғана дер кезінде медициналық көмекке жүгінген, - делінген ақпаратта.
