Ал қылмыстардың басым бөлігі мас күйде жасалатыны белгілі.
Өткен жылы Шығыс Қазақстандағы уақытша бейімдеу және детоксикация орталығына барлығы 5 мыңнан астам адам орналастырылған. Ішімдікке тәуелді 370-ке жуық адам емдеуге жіберілген.
"Оңалту курсынан өткеннен кейін оларды учаскелік инспекторлар тұрақты түрде тексереді, қылмыскерлердің арбауына түсіп қалмауын және өздері заңбұзушылық жасамауын қадағалайды. Сонымен қатар полицейлер заңсыз ішімдік саудасына тосқауыл қою жұмыстарын қолға алған. Бір жыл ішінде облыста 16,5 тонна спирт өнімі тәркіленген, 205 адам оны заңсыз сатқаны үшін әкімшілік жауапкершілікке тартылған", – делінген ШҚО Полиция департаментінің баспасөз қызметі таратқан ақпаратта.
Бүгінде өңір бойынша төрт ауыл тұрғындары арақты татып алмайды:
- Катонқарағай ауданындағы Көкбастау,
- Күршім ауданындағы Теректібұлақ,
- Ұлан ауданының Жанұзақ,
- Тарбағатай ауданының Байтоғас ауылдары.
