Шығыс Қазақстан облысының тауарлар мен қызмет сапасы және қауіпсіздігін бақылау департаментінің дерегіне сүйенсек, 1 қыркүйектен бері облыс аумағында 4 баланың қауіпті дертке шалдыққаны тіркелген.
Екеуі – Шемонаихинский ауданында тұратын 4 сынып оқушылары, біреуі – Көкпекті ауданындағы мектептің 11 сынып оқушысы, тағы біреуі – Алтай ауданының 2 сынып оқушысы. Осы мектептердің барлығы да 14 күндік карантинге жабылып, зарарсыздандыру жұмыстары жүргізілді. Жергілікті билік сабақтарды онлайн форматқа көшіру туралы шешім қабылдады.
Жалпы, бұл облыста бір тәулік ішінде, яғни 23 қыркүйекте коронавирус жұқтырудың 21 фактісі тіркелді. 11 науқаста аурудың клиникалық белгілері бар, ал қалғандарында дерттің нышаны жоқ.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
