ШҚО Төтенше жағдайлар департаменті баспасөз қызметінің мәліметіне сүйенсек, 18 қаңтар сағат 11:00–ден бастап республикалық маңызы бар тасжолдардың бірқатар учаскелерінде қоғамдық көліктер мен дизельді көліктер үшін қозғалыс шектеулері алынып тасталады.
– Атап айтқанда, "Алматы-Талдықорған-Өскемен-Шемонаиха-Ресей шекарасы" жолының 1013-1062 шақырымында (Абай ауданы шекарасынан Алмасай ауылының бұрылысына дейінгі жол), "Алматы-Талдықорған-Өскемен-Шемонаиха-Ресей шекарасы" тасжолының 1104-1212 шақырымында (Глубокое ауылы-Шемонаиха қаласы-Ресей шекарасы арасы), "Өскемен-Семей" тасжолының 10-103 шақырымында (Герасимовка ауылы мен Абай ауданы шекарасының арасы), "Қытай шекарасы-Майқапшағай-Зайсан-Қалбатау-Семей-Павлодар-Ресей шекарасы" тасжолының 1103-1256 шақырымында шектеулер алынды, – деп хабарлады ведомство өкілдері.
Осы ретте, құтқарушылар халыққа алыс сапарға шығар алдында жолдардың жай-күйін "Дәрмен" мобильдік қосымшасы арқылы тексеріп отыруға кеңес берді.
