Ұлыстың ұлы күні қарсаңында халықты ерекше қызықтырған шаралардың бірі – ШҚО "Халифа Алтай" мешітінде өткен қыздар арасындағы қол күресі сайысы болды, деп хабарлайды ҚМДБ баспасөз қызметі.
Арулардың арасындағы бәсекеге 20-дан астам қыз-келіншек қатысып, кезек-кезегімен өзара күш сынасты. Сайыс аса тартысты өтті.
"Бұл бір бөлекше сайыс болды. Қыздар сайысқа аса қызығушылыпен белсенді қатысты. Мақсатымыз – салауатты өмір салтын насихаттау, Ұлыстың ұлы күнін жоғары деңгейде атап өту, спортқа әуесқойларды ынталандыру", – дейді, шараны ұйымдастырушы Өскемен өңірі жастар ісі бөлімінің өкілі.
Ол сонымен қатар осындай тың сайыстарды өкілдіктің тапсырмасымен жүзеге асырып жатқанын айта келе, жастардың спортқа қызығушылғының жоғары екенін жеткізді.
Шараға қатысып, жеңімпаз болған спортшы қыздар бағалы сыйлықтармен марапатталды.
