/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,81 Brent 36,55
Шықпа жаным, шықпа: Тынысы тарылған науқастар оттегі аппаратына зәру

Шықпа жаным, шықпа: Тынысы тарылған науқастар оттегі аппаратына зәру

Шықпа жаным, шықпа...  

09 Шілде 2020 21:58 392

Шықпа жаным, шықпа: Тынысы тарылған науқастар оттегі аппаратына зәру

Тынысы тарылған науқастар оттегі аппаратына зәру, деп хабарлайды Atameken Business теларанасы.

Аталмыш құрылғы көмекке мұқтаждардың бәріне бірдей жетіспеуде. Сол үшін әкімдер бюджеттен оттегі аппаратына қосымша ақша бөлінсе деп отыр. Ал үкіметтен үміті үзілген тұрғындар қоғам белсенділерінен көмек сұрауда.

Биыл өткен жылдан екі есе көп мектеп ашамыз – Алтай Көлгінов

Нұр-Сұлтан қаласының әкімі қала тұрғындарымен кездесті.

12 Ақпан 2020 11:14 441

Биыл өткен жылдан екі есе көп мектеп ашамыз – Алтай Көлгінов

Елорда әкімі қаланың өсу динамикасына тоқталып өтті.

«Қала үлкейген сайын мәселелері де көбейеді. Осыдан жиырма жыл бұрын астанамызда 400 мың адам болса, қазір 1 млн 200 мың тұрғын бар. Сол жылдары 4000 бала дүниеге келетін, қазір бір жылда 25 мың бала өмір есігін ашуда. Халықтың санының өсуіне ішкі миграция да әсер етуде. Жыл сайын астанаға 50 мыңнан астам адам келуде. Сонымен қатар, 2000 жылы Астана қаласының аумағы 300 мың шаршы шақырым болса, қазір 800 мыңға дейін кеңейді», – деді әкім.

Алтай Көлгінов 2020 жылы өткен жылмен салыстырғанда екі есе көп мектеп салынатынын мәлім етті.

«Халықтың саны көбейген сайын, баланың саны көбейеді. Яғни, мектептер санын арттыру керек. Қазір қалада үш ауысымды 8 мектеп бар. Ал 14 мектепте оқушылар саны шамадан тыс көп. Бұл білім сапасына әсер етіп, мұғалімдердің жұмысына салмақ түсіруде. Бұл мәселені шешу үшін өткен жылы 5 мың оқушыны қамтитын 6 мектеп аштық. Биыл өткен жылдан екі есе көп мектеп ашамыз. Құрылысы басталған мектептер биыл қолданысқа берілуге тиіс. Осылайша, 10 мың оқушы жаңа мектепке барады. Бұл шаралар жағдайды едәуір жеңілдеткенімен, әлі де болса жеткіліксіз. Тағы 50 мектеп ашу жоспарда бар. Бюджетке салмақ салмау үшін жеке инвесторларды тарту қарастырылған. Жеке инвесторлар 4 мектеп салады», – деді қала басшысы.

«Балалар мен мектептердің саны өсіп жатыр. Мұғалімдерді дайындауға үлгеріп жатырмыз ба? Бұл да бір мәселе. Қалада 250 маман жетіспейді. Мұғалімдерге жағдай жасауымыз керек. Ұстаз мәртебесі туралы заң қабылданды, мұғалімдерге жағдай жасалып жатыр. Ұстаздарды қадірлеп, қолдауымыз керек. Ең басты байлығымыз балаларымызды мұғалімдерге сеніп отырмыз. Жас мамандарға тұрғын үй алуы үшін алғашқы жарнаға сертификаттар беру қажет», – деді Алтай Көлгінов.

Елорда әкімінің айтуынша, мектепке дейінгі білім беру орындарымен 98,4% бала қамтылды. Әр балаға 28 мың теңгеден мемлекеттік субсидия бөлінеді.

Нұржан Көшкін

Әбілқайыр Сқақов Павлодар облысының әкімі болып тағайындалды

Болат Бақауов Павлодар облысының әкімі қызметінен босатылды.

21 Қаңтар 2020 08:12 527

Әбілқайыр Сқақов Павлодар облысының әкімі болып тағайындалды

Әбілқайыр Сқақов Павлодар облысының әкімі болып тағайындалды. Мемлекет басшысының сәйкес Жарлығы Ақорданың ресми сайтында жарияланды:

Әбілқайыр Сқақов 1974 жылы Павлодар облысында дүниеге келген.

Білімі:

1995 ж. – Ақмола қаржы-экономика техникумын «Салықтар қаржыгері» мамандығы бойынша тәмамдаған. 

2000 ж. – Шәкәрім атындағы Семей мемлекеттік университетін «Қаржыгер және экономист» мамандығы бойынша бітірген. 

2004 ж. – Қазақ құқықтану және халықаралық қатынастар институтын бітірген.
2017 ж. – М. Ломоносов атындағы Мәскеу мемлекеттік университетін тәмамдаған, Master of Business Administration іскери әкімшілдендіру шебері дәрежесіне ие.   

Еңбек жолы:

1995-1998 жж. – Қазақстан Республикасы Қаржы министрлігі Павлодар облысы бойынша салық инспекциясы жанама салықтар бөлімінің маманы.

1998-1999 жж. – Павлодар облысы бойынша салық комитеті ірі салық төлеушілердің салық аудиті бөлімінің бас салық инспекторы.

1999-2000 жж. – Павлодар облысы бойынша салық комитеті ірі салық төлеушілердің салық аудиті бөлімінің басшысы.

2000 ж. – Павлодар облысы бойынша салық комитетінің тіркелмеген салық төлеушілермен жұмыс бөлімінің басшысы.

2000-2001 жж. – Павлодар облысы бойынша салық комитеті төлемдерді талдау, болжалдау және есепке алу бөлімінің басшысы. 

2001-2005 жж. – Павлодар облысы бойынша салық комитеті төрағасының орынбасары.

2005-2006 жж. – ҚР ҚМ СК Павлодар облысы Қашыр ауданы бойынша салық комитетінің төрағасы.

2006-2008 жж. – Павлодар облысының денсаулық сақтау департаментінің экономикалық мәселелер бойынша директордың орынбасары.

2008-2010 жж. – Павлодар облысы бойынша салық департаментінің Павлодар қаласы бойынша салық басқармасының басшысы.

2010-2012 жж. – Қазақстан Республикасы қаржы министрлігінің салық комитетінің Қостанай облысы бойынша салық департаменті бастығы.  

2012-2014 жж. – Қазақстан Республикасы қаржы министрлігінің салық комитеті төрағасының орынбасары.

2014-2016 жж. – Астана қаласы бойынша мемлекеттік кірістер департаментінің басшысы.  

2016 жылдың 1 желтоқсанынан 2019 жылдың 25 сәуіріне дейін – Қазақстан Республикасы қорғаныс министрінің орынбасары.

2019 жылдың 25 сәуірінен - Қазақстан Республикасы қаржы министрлігінің қаржы мониторингі комитетінің төрағасы. 

Мемлекеттік наградалары: «Салық қызметінің үздігі» атағы, «Қазақстан Республикасы Тәуелсіздігіне 20 жыл» мерекелік медалі, «Қаржы қызметінің үздігі» төс белгісі, «Мемлекеттік қызмет үздігі» атағы, «Ерен еңбегі үшін» медалі.