Шымкент әуежайының жұмыс істеу мәселесі бойынша үкіметтік комиссия құрылды, деп жазады inbusiness.kz.
Айта кету керек, қаңтар айында Шымкентке жұмыс сапарымен барған Премьер-Министр Әлихан Смайылов шаһардағы әуежайдың жай-күйімен танысып, жаңа терминал құрылысын жеделдетуді тапсырған болатын.
"Шымкент қаласы әуежайының жұмыс істеуі мәселелері жөнінде үкіметтік комиссия құрылсын. Комиссия жұмысқа дереу кіріссін. Проблемаларды шешу бойынша нақты шаралар қабылдауды қамтамасыз етсін", - делінген өкімде.
Құжат қосымшасында комиссия құрамы көрсетілген:
- Қазақстан Республикасы Премьер-Министрінің бірінші орынбасары, төраға
- Қазақстан Республикасының Индустрия және инфрақұрылымдық даму министрі, төрағаның орынбасары
- Шымкент қаласының әкімі
- Қазақстан Республикасының Үкіметі Аппараты Басшысының бірінші орынбасары
- Қазақстан Республикасының Төтенше жағдайлар вице-министрі
- Қазақстан Республикасының Ауыл шаруашылығы вице-министрі
- Қазақстан Республикасының Ішкі істер министрінің орынбасары
- Қазақстан Республикасының Қорғаныс министрінің орынбасары
- Қазақстан Республикасының Экология және табиғи ресурстар вице-министрі
- Қазақстан Республикасының Ұлттық экономика вице-министрі
- Қазақстан Республикасының Қаржы вице-министрі
- Қазақстан Республикасының Әділет вице-министрі
- Қазақстан Республикасының Ұлттық қауіпсіздік комитеті төрағасының орынбасары (келісу бойынша)
- Қазақстан Республикасының Бас прокурорының орынбасары (келісу бойынша)
- Қазақстан Республикасының Сыбайлас жемқорлыққа қарсы іс-қимыл агенттігі төрағасының орынбасары (келісу бойынша)
- Қазақстан Республикасы Үкіметі Аппаратының Нақты секторды және өңірлерді дамыту бөлімінің өңірлік инспекторы.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
