Бұл туралы inbusiness.kz хайуанаттар бағының Instagram парақшасына сілтеме жасап хабарлайды. Бөбек Тянь-Шань ақ тырнақты аюлар отбасында дүниеге келген.
Умка есімі берілген қонжық негізі желтоқсан айында дүниеге келген, бірақ көз өтпесін деген дәстүрмен хайуанаттар бағы оны енді ғана қонақтарға таныстырды. Оның ата-анасы - Бимка мен Татьяна есімді аюлар.
"Қазір Умка өзінің анасының артынан ілесіп, қоршаған ортаны қызығушылықпен зерделеп жүр. Татьяна - өте мейірімді, қамқор ана. Өзінің қонжығының қасынан бір елі кетпейді", - делінген зообақ хабарламасында.
Умканың ата-анасы − Бимка мен Татьяна 2016 жылы Алматы хайуанаттар бағынан Шымкент хайуанаттар бағына көшірілген.
Қазірдің өзінде қонжық Шымкент хайуанаттар бағына келушілер көзайымына айналды.
"Өзі сондай сүп-сүйкімді. Көз алмай қарай бергің келеді", - деген сынды пікірлер көптер жазылған.
