Шараға Шымкент қаласы әкімдігі мен USAID қолдау білдірген. Шараға қатысқан қала әкімі Ерлан Айтхананов шаһардың инвестициялық жобалары мен туристік әлеуеті жайлы қысқаша баяндады.
"Шымкент қаласы 2020 жылы ТМД-ның мəдени астанасы болып белігіленіп отыр. Осы -іс-шара аясында қазір Шымқалада бірқатар жобалар қолға алынуда. Бүгінде қаламызда азық-түлік сақтайтын бірнеше қойма бар. Олардың қатары əлі артады. Болашақта Шымкент қаласы сауда өнеркəсібі дамыған ірі орталыққа айналатын болады", – деді Ерлан Қуанышұлы.
Айта кету керек, форумға Орталық жəне Оңтүстік Азиядан, Еуропадан жəне АҚШ-тан 500-ден астам мемлекет, бизнес жəне азаматтық қоғам өкілдері қатысып жатыр.
"АҚШ-тың үкіметі аймақтағы сауда мен инвестицияның өсуіне жəне Орталық Азия халықтарының əл-ауқатының жақсаруына қолдау көрсетеді", – деді АҚШ-тың Қазақстандағы елшісі Уильям Мозер.
Арай Есенбек
