Шымкентте мұғалімдер саны тапшы. Қала мектептерінде 270 орын бос тұр. Оның 120-сы бастауыш сынып мұғалімдері, деп хабарлайды 24.kz.
Білім бөлімінің мамандары бұл мәселені шешу үшін түрлі қадамдарға баруда. Соның бірі – жас мұғалімдерге тегін жатақхана жағын қарастыру. Ал бала тәрбиесімен айналысқысы келетін кез-келген мұғалім қалалық білім бөліміне өтінішін электронды түрде жіберіп, сынақ тапсыра алады. Қазірдің өзінде осы жүйе бойынша 140 ұстаз жұмысқа қабылданған.
"20 адамға орын бөлінеді деп жоспарланып отыр. Ол әрине бірінші кезекте біз бастауыш сыныптың мұғалімдерін шақырған болар едік. Қазақстанның түкпір-түкпірінен келген педагогтарға қосымша сағаттар беріліп, оның айлық жалақысының жоғары болуы да қадағаланатын болады", - дейді қалалық білім бөлімінің басшысы Жанат Тәжиева.
