22 шілде күні Шымкент әуежайында ұшу-қону жолағының уақытша жабылуына байланысты FlyArystan әуе компаниясының Ақтау мен Алматыдан Шымкентке бағыт алған екі рейсінің бағыты өзгертілді, деп хабарлайды inbusiness.kz сайты.
Әуе компаниясының ақпаратына сәйкес, Ақтау – Шымкент бағытындағы FS7580 рейсі Алматы әуежайына қонған. Алматыдан Шымкентке ұшуы тиіс болған FS7105 рейсі Шымкент әуежайының ұшу-қону жолағы уақытша жабылғандықтан, Алматыға кері қайтқан. Ұшу-қону жолағы қайта ашылған соң Алматыдан FS7580 рейсі жергілікті уақыт бойынша сағат 01:21-де, ал FS7105 рейсі 02:56-да Шымкентке ұшып шыққан.
Бұдан бөлек Шымкент – Ақтау бағытындағы FS7579 рейсі, Шымкент – Алматы бағытындағы FS7106 рейсі кешіктірілгені белгілі болды.
FlyArystan бұл жағдайлар әуе компаниясына байланысты емес себептерден туындағанын хабарлады.
