Шымкент қаласы прокуратурасының талдауы нәтижесінде мемлекеттік кірістер органдарының жүргізген камералдық бақылау нәтижелері бойынша, 15 кәсіпкерлік субъектісінің шоттарын бұғаттағаны анықталды, деп жазады inbusiness.kz сайты.
Сәйкесінше, кәсіпкерлердің қызметі тоқтатылды.
"Прокуратура іс-әрекеттерді негізсіз деп таныды және қадағалау актісін енгізді. Нәтижесінде салық органының шешімдерінің күші жойылды. Еңбекші ауданы бойынша Мемлекеттік кірістер басқармасының басшысы және басқа да кінәлі тұлғалар ҚР ӘҚБтК-нің 173-бабымен (лауазымды тұлғалардың кәсіпкерлік қызметіне заңсыз араласуы) әкімшілік жауаптылыққа тартылды", - делінген прокуратураның хабарламасында.
Сондай-ақ, прокуратура өз қызметін бастаған кәсіпкерлер алдындағы кедергілерді жойды және олар өз жұмыстарына кірісті.
