Ranking.kz порталының зерттеуінше, ел бойынша бірінші жартыжылдықта мектепке дейін білім беру саласының қызметақысы12,5%-ға ұлғайып, 71,9 млрд теңгені құраған. Бұл өткен жылмен салыстырғанда 8 млрд теңгеге көп көрсеткіш.
Жаз маусымында балабақшаға немесе дамыту орталығына бір күн барған баланың ата-анасынан 817 теңге алынып отырған. Былтыр бұл сомма қазіргіден 5% кем болған.
Мектепке дейін білім беру саласына астаналықтар көп шығындалады екен. Елордадағы ата-аналар мектепке дейінгі білім беру мекемелеріне балаларын бір күн апарғаны үшін 1 862 теңге төлейтін көрінеді.
Шымкентте саладағы қызмет көрсету құны 858 теңгеден 1 203 теңгеге көтерілген. Алматыда баға 14,6%-ға қымбаттап, 1 666 теңгеге жеткен. Ал Семейде 669 теңгеден 739 теңгеге артқан.
Бірінші жартыжылдықтың қорытындысына сәйкес, мектепке дейінгі білім беру қызметкерлерінің орташа айлығы 61,6 мың теңге болған. Яғни өткен жылмен салыстырғанда 1,1%-ға ғана ұлғайған.
