Елордада өткен Шымкент қаласының әлеуметтік-экономикалық дамуы туралы баспасөз мәслихатында мегаполис әкімі Мұрат Әйтеновке көпшілік көкейіндегі сұрақ қойылды. Шаһар басшысы дизель отыны мәселесі осы аптаның соңына дейін шешілетінін көп ойланбастан айтты, деп хабарлайды inbusiness.kz.
"Бізде өткен аптада да, осы аптада да дизель отынының тапшылығы болды, жағдай әлі тұрақталған жоқ. Оның себебі қаламыздағы мұнай өңдейін зауыт бір айға жөндеу жұмысына жабылды. Өйткені үш жыл бойы ол тоқтамай жұмыс істеген. Сондықтан қорымыз жетпеген уақытта осындай жағдайлар болды. Бірақ зауыт 13 маусымнан бері қайта ашылды. Қазір қала тұрғындарына қажетті дизель мен жанармайды жеткізіп жатыр. Осы аптаның аяғына дейін бәрі тұрақтандырылады", – деді Мұрат Әйтенов.
Құралай Құдайберген
