/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
Шымкентте екі жұмысшы шұңқыр қазып жатып қайтыс болды

Шымкентте екі жұмысшы шұңқыр қазып жатып қайтыс болды

Екі жұмысшы оқиға орнында қайтыс болды.Іздеу-құтқару жұмыстары шамамен 5 сағатқа созылды. 

09 Қараша 2019 13:00 505

Шымкентте екі жұмысшы шұңқыр қазып жатып қайтыс болды

Қаратау ауданының Назарбаев даңғылының бойындағы Нұрсәт-3 ықшамауданында «ЮгСтройСервис-Н» ЖШС жұмысшылары шұңқырды қазып жатқан кезде топырақ құлаған деп хабарлайды ҚР ІІМ Төтенше жағдайлар комитеті.

Топырақ астында 3 техника (1 тиегіш, 1 экскаватор және 1 жол тегістейтін каток) қалған.  Шұңқырдың тереңдігі 20-25 метр, көлемі - 37x37 м..

Шұғыл-құтқару отряды оқиға орнына сағат 20:55-да келген. Олар бірден іздеу-құтқару операцияларына кіріскен.

Оқиға орнына ТЖ департаментінің 40 қызметкері мен 11 дана техника, Полиция департаментінің қызметкерлері, жергілікті атқарушы органдар, жедел жәрдем машиналары және ЖШС қызметкерлері жұмылдырылды.

Нәтижесінде 1993 жылы туылған жас жігіт қоқыс астынан шығарылды, оған апаттық медицина орталығының тобы алғашқы көмек көрсетіп, жедел жәрдемге тапсырды. Қазіргі уақытта оған амбулаториялық ем тағайындалды, жағдайы қанағаттанарлық.

21.30-да құтқарушылар мен өрт сөндіру бөлімінің жеке құрамы қалған екі жұмысшыны іздестіру-құтқару жұмыстарын бастады. Нәтижесінде, шамамен 21.40-та құтқарушылар 1969 жылы туылған ер адамды алып шықты. 22.49-да олар 1965 жылы туылған адамды іздеуді бастады, оның денесі ұзақ іздеуден кейін шығарылды.

Екі жұмысшы оқиға орнында қайтыс болды.Іздеу-құтқару жұмыстары шамамен 5 сағатқа созылды.

 

 

 

ШҚО-да бір түнде 549 адам жолда қалды

Республикалық маңыздағы 8 жолда қозғалыс жабық.

29 Қаңтар 2020 11:36 223

ШҚО-да бір түнде 549 адам жолда қалды

Шығыс Қазақстан облысында 28-29 қаңтар күндері дауылды ескерту жарияланған болатын. Төтенше жағдай қызметі қанша жерден ескертсе де, тәуекелге барып, жолға шыққандар құтқарушылардың көмегіне жүгінуге мәжбүр болды. 

«Құтқарушылар мен полиция өкілдері 218 адамды қауіпсіз жерге шығарып, 70 адамды құтқарды. Оның 11-і бала. Кеше кешке барлық бағыттағы жолдар жабылған болатын. Соған қарамастан, 102 жеңіл көлік, 3 автобус, 13 жүк көлігі жолда қалды. Жалпы 549 адам уақытша панаға жеткізілді. Құтқару жұмыстарына 109 адам, 48 арнайы техника қатысты. Қазір жолдарды қардан тазарту жұмыстарына 403 жол техникасы жұмылдырылған», – делінген облыстық төтенше жағдайлар департаментінің баспасөз қызметі таратқан ақпаратта.

Алматы тауларында жоғалған туристі полиция іздеуге кірісті

Іс-түссіз кеткен азаматшаны іздестіруге 50-ден аса маман жұмылдырылды. 

12 Қараша 2019 12:19 188

Алматы тауларында жоғалған туристі полиция іздеуге кірісті

Алматы тауларында жоғалған түристке қатысты Бостандық ауданы полиция басқармасы жедел-тергеу тобын құрды. Қазірге белгілісі тау туризмімен айналысатын алматылық бойжеткен 9 қараша күні Үлкен Алматы шыңына аттанып, 10 қарашадан бері хабарсыз кеткен. Полиция департаментіне бұл туралы жоғалған алматылықтың ата-анасы айтқан. 

«Мобильді іздеу топтары құрылды. Олардың ішінде 50-ден аса полиция қызметкері бар. Сонымен қатар, бойжеткенді қала аумағынан да табуымыз мүмкін. Сондықтан Алматының ішінде де іздестіру тобы жұмыс істеуде. Ал Панаргалиеваның туыстары айтқан тау беткейінде ҚР ІІД мамандарының жедел-құтқару тобы іздестіру жұмыстарын бастап кетті», – деді Бостандық ауданы полиция басқармасының басшысы Дәурен Өтебаев.

Сондай-ақ ведомства басшысы, қазіргі кезде жоғалып кеткен азаматшаның араласатын адамдары сұралып, қосымша деректер зерттелуде деп атап өтті.

Құралай Құдайберген