Шымкенттегі Темірлан тасжолындағы №43/А көпқабатты үйдің подъезінен ер адамның мәйіті табылды, деп хабарлайды inbusiness.kz Otyrar.kz-ке сілтеме жасап.
Тұрғындар 35 жастағы ер адамның мәйітін 12 қыркүйек күні сағат 13:00 шамасында тауып алып, кейін полицияға хабар берген.
Бұған қатысты 31 жастағы күдікті ұсталды.
Портал мәліметінше, екі ер адам подъезде кездескен. Екеуі бір әйелдің пәтеріне қарай бет алған. Кейін жанжалдасып, соңы төбелеске ұласқан. Бірнеше соққыдан кейін жәбірленуші көз жұмған.
Аталған факті бойынша сотқа дейінгі тергеу басталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
